శంకరాభరణం
తనిసితి మిఁక మముఁ దడవకురా
చనవుకు మనవికి సరికిసరి. IIపల్లవిII
నలుగడ నీవిటు నవ్విననవ్వులు
అలిగిన వేళకు నవి సరియే
వలపులు చల్లేవు వాదుకు వచ్చేవు
చలువకు వేఁడికి సరికిసరి. IIతనిII
వరుస నాకిచ్చితి వద్దికి వచ్చిన
సరవులఁ బెట్టిన సరికిసరి
మరిగినాఁ బోనీవు మాటలు నాడవు
సరసము విరసము సరికిసరి. IIతనిII
తమకంబున మనతనువు లిద్దరికి
సమరతి వుపరతి సరికిసరి
అమరిన శ్రీవేంకటాధిప యిటు మన-
సముకపుమఱపులు సరికిసరి. IIతనిII ౨౦-౨౩౪
Tuesday, April 14, 2009
Subscribe to:
Post Comments (Atom)
No comments:
Post a Comment