Saturday, February 7, 2009
సతులాల చూడరే శ్రావణ బహుళాష్టమిఁ
సతులాల చూడరే శ్రావణ బహుళాష్టమిఁ
గతలాయ నడురేయిఁ గలిగె శ్రీకృష్ణుఁడు. IIపల్లవిII
పుట్టేయపుడే చతుర్భుజాలు శంఖుచక్రాలు
యెట్టు ధరియించెనే యీ కృష్ణుఁడు
అట్టె కిరీటము నాభరణాలు ధరించి
యెట్టనెదుట నున్నాఁడు యీ కృష్ణుఁడు. IIసతుII
వచ్చి బ్రహ్మయు రుద్రుడు వాకిట నుతించఁగాను
యిచ్చగించి వినుచున్నాఁ డీ కృష్ణుఁడు
ముచ్చటాడీ దేవకితో ముంచి వసుదేవునితో
హెచ్చిన మహిమలతో యీ కృష్ణుఁడు. IIసతుII
కొదదీర మరి నందగోపునకు యశోదకు
ఇదిగో తా బిడ్డఁడాయ నీ కృష్ణుఁడు
అదన శ్రీ వేంకటేశుఁడై యలమేల్మంగఁ గూడి
యెదుటనే నిలుచున్నాఁ డీ కృష్ణుఁడు. IIసతుII ౧౪-౪౫౩
Subscribe to:
Post Comments (Atom)
No comments:
Post a Comment