|
ఆహిరి
మూసిన ముత్యానకేలే మొరఁగులు
ఆసల చిత్తానకేలే అలవోకలు. IIపల్లవిII
కందులేని మోముకేలే కస్తూరి
చిందు నీ కొప్పునకేలే సేమంతులు
మందయానమునకేలే మట్టెలమోఁత
గందమేలే పైపై కమ్మని నీ మేనికి. IIమూసినII
భారపు గుబ్బలకేలే పయ్యెద నీ-
బీరపు చూపులకేలే పెడమోము
జీరల బుజాలకేలే చెమటలు నీ-
గోరంట గోళ్ళకేలే కొనవాండ్లు. IIమూసినII
ముద్దుల మాఁటలకేలే ముదములు నీ-
యద్దపుఁ జెక్కులకేలే అరవిరి
వొద్దిక మాటలకేలే వూర్పులు నీకు-
నద్దమేలే తిరువేంకటాద్రీశుఁ గూడి. IIమూసినII౫-౧౨౫
మొరఁగులు=?
అలవోక=స్వేచ్ఛ,యదృచ్ఛ
అరవిరి=సగము విరిసిన మొగ్గ,ముకుళము
No comments:
Post a Comment