Tuesday, December 16, 2008
కొలని దోఁపరికి గొబ్బిళ్ళో యదు-
దేసాళం
కొలని దోఁపరికి గొబ్బిళ్ళో యదు-
కులము స్వామికిని గొబ్బిళ్ళో. IIపల్లవిII
కొండ గొడుగుగా గోవులఁ గాచిన
కొండుక శిశువుకు గొబ్బిళ్ళో
దుండగంపు దైత్యులకెల్లను తల-
గుండు గండనికి గొబ్బిళ్ళో. IIకొలనిII
పాపవిధుల శిశుపాలుని తిట్ల-
కోపగానికిని గొబ్బిళ్ళో
యేపునఁ గంసుని యిడుమలఁ బెట్టిన-
గోపబాలునికి గొబ్బిళ్ళో. IIకొలనిII
దండి వైరులను తఱమిన దనుజుల-
గుండె దిగులునకు గొబ్బిళ్ళో
వెండిఁ బైఁడియగు వేంకటగిరిపై
కొండలయ్యకును గొబ్బిళ్ళో. IIకొలనిII ౫-౯౮
Subscribe to:
Post Comments (Atom)
2 comments:
అన్నమ్మాచార్యులవారి కీరనలని ఇలా సేకరించి ఓ చోట పొందుపరచాలన్న మీ తలంపుకి మా అభినందనలు. మరిన్ని కీర్తనలు పొందుపరచగలరు.
శెలవు
నందు
Post a Comment