నాదరామక్రియ
నెలఁతకుఁ గొండలతిమ్మని నేనిదె తోడ్కొనివచ్చెద
ఎలనాగలు మీరిందరు నేమరకుఁడి చెలిని. IIపల్లవిII
వలపుల రేనికి చెంగలువల కొండము చొర మొక్కుఁడి
అలులకు పూఁదేనియ సోయగములు మెయికొనుఁడి
ఫలరసములు మీఁదెత్తుఁడి పదరి చిలుకలకును గోవిలలకు
పొలఁతికి కెందమ్మిరేకులు పోయుఁడు బడిమిగను. IIనెలతII
కట్టుఁడి సన్నపువలిపెము కర్పూరముఁ బన్నీరును
దట్టముగాఁ బైనలఁదుఁడి తరుణీమణికి
ఒట్టుఁడి జాజులు పరపున నొరపెరిఁగిన చెలికత్తెలఁ
బెట్టుఁడి మరుబలములచే బెగ్గిలి పడకుండ. IIనెలతII
చిగురునఁ గెంపులు మొలచెను చిత్రము చూడఁగదమ్మా
మొగుడలపై నల చంద్రుని మూఁకలు మరిగినవి
మొగమున బిత్తరిచేఁతలు మును లేవివి చెలికబ్బెను
మగువయు(కు?) తిరువేంకటపతి మమతల పరిణతలు.IIనెలతII ౫-౩౫౨
Thursday, January 8, 2009
Subscribe to:
Post Comments (Atom)
No comments:
Post a Comment